دنیا بھر کے مسلمانوں کو شب معراج مبارک

اسلام آباد (این این آئی)وزیراعظم عمران خان نے دنیا بھر کے مسلمانوں کو شب معراج کی مبارکباد دی ہے۔ جمعرات کو وزیراعظم عمران خان نے اپنے ٹویٹ میں شب معراج کی مبارکباد دی۔ دوسری جانب متحدہ علماء محاذ پاکستان کے بانی سیکریٹری جنرل مولانا محمد امین انصاری نے شب معراج کے موقع پر اجتماع سے خطاب کرتے ہوئے کہا ہے کہ انسان اشرف المخلوقات ہے اور جس کی معراج واقعہ معراج النبیؐ ہے۔ بیت المقدس میں تمام انبیاء کی امامت کے باعث آپﷺ کو امام الانبیاء کا شرف حاصل ہوا،پنج وقتہ نمازمعراج کا تحفہ ہے اور ثواب 50نمازوں کا عطا کیاجائے

گا،قبلہ اول بیت المقدس سے اسلام و نبی اسلام کی تاریخی یادیں جڑی ہیں کسی طور دستبردار نہیں ہوسکتے،بیت المقدس مسلمانوں کا ورثہ ہے،ہیکل سلیمانی و یہودآبادکاری کو برداشت نہیں کریں گے۔مرد قلندر بوریا نشین درویش بانی اسلامی انقلاب ایران امام خمینی نے جمعہ الوداع کو یوم القدس منائے جانے کا جرأت مندانہ اور قابل تقلید و ستائش کردار اداکیااور مسئلہ فلسطین کو دنیا کا اہم ترین حل طلب مسئلہ قرار دے کر فلسطینی مظلوم مسلمانوں سے اظہار یکجہتی کے لئے عوام میں اسرائیل،امریکہ و استعمار کے خلاف شعور و بیداری پیداکی۔معراج النبیؐ کے اجتماع سے مرکزی چیئرمین علامہ عبدالخالق فریدی، مرکزی صدر حجۃ الاسلام علامہ مرزایوسف حسین، سرپرست خطیب پاکستان مولانا انتظارالحق تھانوی،علامہ مرتضیٰ خان رحمانی،علامہ حفیظ اللہ ہادیہ صدیقی،علامہ وحید نورانی نے کہا کہ واقعہ معراج انسانی تاریخ کا وہ معجزاتی واقعہ ہے جس پرآج تک دنیا کے اہل علم و دانش و سائنسدان تحقیق کے ذریعے نئے نئے علوم و فنون ایجاد ہورہے ہیں۔شب معراج کی سب سے پہلے تصدیق حضرت ابوبکر ؓ نے کی جس پر دربار رسالت ؐ سے سیدنا ابوبکر کو صدیق کا لقب عطاہوا۔

Sharing is caring!

Categories

Comments are closed.